Gaur, ikasle eta irakasle guztiok mozorrotuta etorri gara ikastolara, ihauteriei hasiera emateko. Etxetik ekarritako mahai jolasekin jolastu ondoren, DBH4-ko ikasleak txistorra ogitartekoak ekarri dizkigute Anoetatik. Giro polita sortu dugu patio garaian, dantza ugari ere egin dugu eta egunari amaiera emateko Tolosako ihauterien txupinazoa ikusi dugu.

GORA IHAUTERIAK!!!

Atzo ospatu genuen, ihauteri jaialdia herriko frontoian. "5 lurralde, 5 gailur" lelopean dantza ezberdinak prestatu zituzten ikasle eta irakasleek. Bost kontinenteetako jantziak ikusi eta musikak entzun genituen. Aurtengo mozorroak plastikorik erabili gabe prestatu ziren arren, oso koloretsua eta ikusgarria geratu zen. Oso polita geratu zen jaialdia. Eskerrak eman gurekin lanean aritu ziren bolondres guztiei.

ZORIONAK!!!

 Ostegun Gizen egunean, haur eta irakasle guztiak mozorrotuta etortzen gara. Bestalde, egun horretan, jangela zerbitzua eskainiko da, baina 14:30etarako bila etorri beharko duzue arratsaldean jai dugu eta.

Astelehenean, otsailaren 17an, izango da Nerea Mendizabalen azken saioa gurasoentzat Anoetako Herri ikastolan. Prozesuan parte hartu duzuenok gogoan izan azken data hau!!

GURE BIZI-BALDINTZEK GURE BIZITZA BALDINTZATZEN DUTE?

Ikergaia aztertzen aritu dira LH6ko ikasleak azken egun hauetan eta herrian ibili dira ikerketa burutzen; udaletxean, osasun zentruan eta ikastolan. Honen inguruan aurrerago informazio gehiago izango dugu.

Astearte arratsaldean, herriko kaleetan zehar ibili ginen Santa Ageda bezpera ospatuz. Labaderon topo egin genuen Anoetako DBH-koekin eta elkarrekin eman genion amaiera ibilbideari plazan. Ogitartekoa jan ahal izan genuen plazan Irurako okindegiaren eskutik. 

Aurreko astean, LH2ko ikasleak Iruñako Planetariumera egin zuten irteera Anoetako Herri Ikastolako lagunekin batera.

Lantzen ari diren planeten inguruan gehiago ikasteko aukera polita izan zuten.

 

Haur Hezkuntzako hainbat espazioen erabilera ikasleekin batera aztertu dira, besteak beste, adierazmen txokoa. Adin ezberdinetako ikasleen gustoko txokoa bihurtu da azken aldian.

Hemen argazki batzuk ikusgai. 

Atzo goizean Itziar Ituño aktorearen bisita izan genuen ikastolan. Bere aktore ibilbidea nolako izan den azaldu zigun eta antzezteko zenbait trikimailu ere erakutsi zizkigun.

Oso gustura egon ginen! MILA ESKER ITZIAR!!!

Orriak